هندي في شرم الشيخ - Mix Mindmix1mind

اخر الأخبار

مزيج العقل

هندي في شرم الشيخ

هندي في شرم الشيخ

الاهلي والزمالك وبيرامدز

فجأه كده وبدون مقدمات وفي يوم غامض حبك ظهر في قلبي وقررت أعلنه ، 

 بحبك يا أهلي وهدعمك بس هنافسك بفريق جديد سامحني بقه بس انا محتار اسميه ايه ( خوفو ولا خفرع ولا منقرع) طيب اشمعنا الأسماء دي اصلي بحب مصر قوي خالص، 

علي العموم مش مهم الاسم سهله مش هنغلب يعني، يلا بقه أؤمرني يا أهلي عاوز ايه لاعبين علي اعلي مستوى مدرب كبير جمهور كتير حتي اللي انته عاوزه، يا سلام يا هلا بيك منورنا ومفرحنا انته كنت فين من زمان واول هديه ليك انك مش كفايه تكون مشجع لينا كمان لازم تكون رئيس شرفي للكيان العظيم،

وفجأه وفي الصباح الباكر نستيقظ على زعل وخصام وسوء تفاهم كبير بين الرئيس الشرفي والرئيس الحقيقي للنادي الكبير طيب اهدوا يا اخوانا وان شاء الله يومين كده والميه ترجع لمجاريها، لا ترجع إزاي ده راجل عاوز يشترينا بفلوسه ونفوذه هوه فاكر نفسه مين، ثم يهيج الإعلام الأحمر والجمهور الكبير ونسمعه من المدرجات أشد العبارات وغليظ الألفاظ، كده ماشي طيب انا هوريكم ها يا زمالك أؤمرني أنا معاكم من دلوقتي ومش بس كده أنا هفوز علي الأهلي في الدوري واحفل عليهم كمان، 

انته بجد عاوز تساعدنا طبعا واجيبلكم كمان لاعبين محترفين علي أعلي مستوي ومدرب عراف كبير معروف في أوروبا، وبعد أيام مش كتير يدخلوا ولاد الحلال ويصلحوا بين المتخاصمين،،
 أصلي أنا كان لازم أرجعلكم تاني دا أنتو حبي الاول والاخير،، 
واحنا علي فكره عمرنا مغلطنا فيك وأي كلمه سمعتها كده ولآ كده دي من وري قلبنا، أنا عارف وعلشان كده أنا مسامح والمسامح كريم، طيب ها وبعدين هتجيب لنا إيه بالمناسبة الحلوه دي إللي انتو عاوزينه،
 طيب علي فكرة فى لاعب الشيطان لعب في دماغه ورايح الزمالك لا إزاي يرجع طبعا زمالك مين وبتاع مين، 
يرجع آه بس مش هيلعب عندنا تاني انته عارف إحنا نادي المبادئ اوكي هيحصل ونرجع نتخاصم تاني وبعد كده نتصالح وجمهور الاهلي يزووم علي الزمالك وجمهور الزمالك يزووم علي الأهلي ويزيد التعصب بين اكبر جمهورين في مصر والوطن العربي ياريت اللي ييجي علينا من بره اما يعلمنا حاجه مفيده او يسبنا في حالنا إحنا والله مش ناقصين عصبيه واستفزاز بين اكبر جمهورين في الوطن العربي.


الناشر : اسلام بركات



ليست هناك تعليقات:

إرسال تعليق

نتشرف بك في موقعنا وسوف يتم الرد عليكم في اقرب فرصه

google-site-verification: google407d1e095cc27e37.html